நாம் தமிழர் கட்சியின் தலைமை ஒருங்கிணைப்பாளர் சீமான் மற்றும் விடுதலைப்புலிகள் இயக்கத் தலைவர் பிரபாகரன் சந்தித்த புகைப்படம் போலியானது என்று அதனை எடிட் செய்து உருவாக்கியது தான் என திரைப்பட இயக்குநர் சங்ககிரி ராஜ்குமார் சில தினங்களுக்கு முன்பு அதிரடியாக வெளிப்படுத்தினார்.
இந்த அறிவிப்பு தமிழ்நாட்டில் பெரிய சர்ச்சையை ஏற்படுத்தி, பலரும் இதுதொடர்பாக தங்களது கருத்துகளை பகிர்ந்து வருகின்றனர்.
இந்த விவகாரத்தின் பின்னணியில், பிரபாகரனின் அண்ணன் மகன் கார்த்திக் மனோகரன் கூறுகையில், “சீமான் மற்றும் பிரபாகரனின் சந்திப்பு உண்மைதான். ஆனால், அது வெறும் 8 முதல் 10 நிமிட சந்திப்பாக இருந்தது. சீமான் கூறுவது போன்று என் சித்தியுடன் (பிரபாகரனின் மனைவி) அவருக்கு எந்த வகையிலான நெருக்கமும் கிடையாது. மேலும், பிரபாகரனுடன் சேர்ந்து உணவு அருந்தியது, ஆமைகறி, இட்லி கறி போன்றவை எல்லாம் முற்றிலும் பொய்யான தகவல்களே,” என அவர் சுட்டிக்காட்டினார்.
கருத்தை பதிவிட