ஹமாஸ்-இஸ்ரேல் பிரச்சனை மோசம் – பாலஸ்தீன கைதிகள் விடுதலை தாமதம்!

இஸ்ரேல் பாதுகாப்பு அமைச்சர் ஆக்கிரமிக்கப்பட்ட மேற்கு கரையில் உள்ள அகதிகள் முகாம்களில் இருந்து இடம்பெயர்ந்த 40,000 பேர் மீண்டும் திரும்ப அனுமதிக்கப்படமாட்டார்கள் என்று அறிவித்துள்ளார். மேலும், 2002 முதல் முதல் முறையாக, இஸ்ரேல் தனது ஆயுத டாங்கிகளை மேற்கு கரைக்கு அனுப்பியுள்ளது, இது நிலையை மேலும் தீவிரமாக்கியுள்ளது.

அதேவேளை, இஸ்ரேல் பிரதமர் பெஞ்சமின் நெத்தன்யாகு அலுவலகம், நேற்று திட்டமிடப்பட்டிருந்த பாலஸ்தீன கைதிகளின் விடுதலையை தற்காலிகமாக நிறுத்தியுள்ளதாக அறிவித்துள்ளது. எதிர்காலத்தில் கைதிகள் விடுவிக்கப்படும் வரையும் மற்றும் “அவமானகரமான முறைகளை தவிர்க்கும் வரையும் விடுதலை இடைநிறுத்தப்படும் என்று அறிவிக்கப்பட்டுள்ளது.

ஹமாஸ், பாலஸ்தீன கைதிகள் ஏழாவது குழுவின் விடுதலை தாமதமாகியிருப்பதை கடுமையாக விமர்சித்து இது  உடன்படிக்கையின் “வெளிப்படையான மீறல்” எனக் கூறியுள்ளது. இதற்கு முன்னதாக ஹமாஸ் ஆறு இஸ்ரேல் கைதிகளை விடுவித்தது.

இஸ்ரேலின் போரினால் காசாவில் மனிதாபிமான பேரழிவு தொடர்கின்றது. காசா சுகாதார அமைச்சகம் 48,319 பாலஸ்தீனர்கள் உயிரிழந்துள்ளதாகவும், 111,749 பேர் காயமடைந்துள்ளதாகவும் அறிவித்துள்ளது. மேலும், அரசாங்க ஊடக அலுவலகம், இடிபாடுகளுக்குள் சிக்கி உயிரிழந்தவர்களை உட்பட, பலியானோர் எண்ணிக்கை குறைந்தது 61,709 ஆக உயர்ந்துள்ளதாக கூறியுள்ளது.

இந்த மோதல் 2023 அக்டோபர் 7 அன்று ஹமாஸ் இஸ்ரேலுக்கு நடத்திய தாக்குதலுக்குப் பிறகு தீவிரமடைந்தது. அந்நாளில் 1,139 பேர் கொல்லப்பட்டனர் மற்றும் 200க்கும் மேற்பட்டோர் கடத்தப்பட்டனர் என தகவல்கள் தெரிவிக்கின்றன.