வெளிநாட்டு சிகரெட்டுகளை கடத்த முயன்ற 21 வயது இளைஞர் கைது!

கட்டுநாயக்க விமான நிலையத்தில் ரூ. 3.5 மில்லியன் பெறுமதியுள்ள வெளிநாட்டு சிகரெட்டுகளை கடத்த முயன்ற 21 வயது இளைஞர் கைது

டுபாயில் இருந்து கட்டார் வழியாக நாடு திரும்பிய 21 வயது இலங்கை இளைஞன் ரூ. 3.5 மில்லியன் பெறுமதியுள்ள வெளிநாட்டு சிகரெட்டுகளை கடத்த முயன்றதாக கட்டுநாயக்க சர்வதேச விமான நிலைய பொலிஸாரால் கைது செய்யப்பட்டுள்ளார்.

யட்டியந்தோட்டையைச் சேர்ந்த இந்த இளைஞர், விமான நிலையத்தில் தேவையான சோதனைகளை முடித்த பிறகு வெளியேற முயன்றபோது, முன்னதாக கிடைத்த தகவலின் அடிப்படையில் விமான நிலைய பொலிஸார் அவரை கைது செய்தனர்.

அவரது பயணப்பைகளில் இருந்து 20,000 குச்சிகள் கொண்ட ஒரு வகை சிகரெட்டுகளும், 3,600 குச்சிகள் கொண்ட மற்றொரு வகை சிகரெட்டுகளும் மீட்கப்பட்டன.

கைது செய்யப்பட்ட சந்தேகநபர், நீர்கொழம்பு  நீதவான் நீதிமன்றத்தில் ஆஜர்படுத்தப்படவுள்ளார்.

விமான நிலைய பொலிஸ் நிலைய பொறுப்பதிகாரி எல்மோ மால்கம் மற்றும் அவரது குழுவினர் மேலதிக விசாரணைகளை மேற்கொண்டு வருகின்றனர்.

மூலம் – dailymirror