முல்லைத்தீவில் விடுதலைப் புலிகள் பயன்படுத்திய பெரும் நிலக்கீழ் பதுங்கு குழி தோண்டல்- கிடைத்தது என்ன?

முல்லைத்தீவு – புதுக்குடியிருப்பு பகுதியில், விடுதலைப் புலிகள் காலத்தில் பயன்படுத்தப்பட்டதாகக் கூறப்படும் பாரிய அளவிலான நிலக்கீழ் பதுங்கு குழி ஒன்றைத் தோண்டும் பணிகள், இன்று (10.07.2025) காலை 10.30 மணியளவில் தொடங்கப்பட்டன.

இச்செயல்முறை 8ம் வட்டாரம், மந்துவில் கிராமத்தில் மேற்கொள்ளப்பட்டது. கணிசமான அளவிலான கனரக இயந்திரங்கள் கொண்டு அப்பகுதியில் துப்பரவு மற்றும் தோண்டல் பணிகள் முன்னெடுக்கப்பட்டன.

பதுங்கு குழிக்குள் அதிக அளவில் நீர் தேங்கியிருந்தமையால் முதலில் நீரை வெளியேற்றும் நடவடிக்கைகள் மேற்கொள்ளப்பட்டது. அதன் பின்னரே நிலத்தடியில் தொடர்ச்சியாக தோண்டப்பட்டபோது, அங்கு “தங்கம் புதைக்கப்பட்டதாக சந்தேகிக்கப்பட்ட குழி” என்பதற்கேற்ப செயல்பட்டபோது, உள்ளே ஒரு “தகர டப்பா” (இரும்பு பானை) கண்டுபிடிக்கப்பட்டது.

 பாதுகாப்புப் பிரிவினரால் மேலும் விசாரணைகள் முன்னெடுக்கப்படுகின்றன. இவ்வாறான பதுங்கு குழிகள் முந்தைய யுத்தக் காலத்தில் ஆயுதச் சோதனை, பாதுகாப்பு மற்றும் பதுங்கலுக்காக பயன்படுத்தப்பட்டிருக்க வாய்ப்பு இருப்பதாக அதிகாரப்பூர்வமாக தெரிவிக்கப்படுகிறது.

பாதுகாப்புப் பிரிவினர் மற்றும் உள்ளூராட்சி அதிகாரிகள் இணைந்து இந்த நடவடிக்கையை முன்னெடுத்து வருகின்றனர். மேலும் இந்தப் பதுங்கு குழி தொடர்பான வரலாற்றுச் சான்றுகள், அவை பயன்படுத்தப்பட்ட காலம் மற்றும் தொடர்புடைய அறிகுறிகள் ஆகியவை தற்போது பாதுகாப்பு நிறுவனங்களால் ஆய்வு செய்யப்படுகின்றன.

இந்த நிகழ்வு, யுத்தத்துக்குப் பிந்தைய காலத்திலும் இரகசியமான மற்றும் மறைந்த விடயங்கள் இன்னும் எங்கேயோ இருக்கின்றன என்பதற்கான முக்கிய சான்றாக இருக்கக்கூடும்.