கொழும்பு – இலங்கை மத்திய வங்கி, 2023 ஆம் ஆண்டு நிறைவேற்றப்பட்ட இலங்கை மத்திய வங்கி சட்ட எண்.16-ன் விதிமுறைகளுக்கு இணங்க, 2025 ஆம் ஆண்டிற்கான தனது இரண்டாவது பணவியல் கொள்கை அறிக்கையை நேற்று வெளியிட்டது.
ஆறு மாதத்திற்கு ஒருமுறை வெளிவரும் இந்த அறிக்கை, பொருளாதார நிலவரம், விலைவாசி உயர்வு (பணவீக்கம்), வளர்ச்சி முன்னேற்றம் மற்றும் அதனுடன் தொடர்புடைய அபாயங்கள் குறித்த தகவல்களை வழங்குகிறது. மேலும், மத்திய வங்கியின் சமீபத்திய பணவியல் கொள்கை முடிவுகளுக்கான காரணங்களையும் வெளிப்படையாகவும் பொறுப்புணர்வோடும் விளக்குவதே இதன் நோக்கம்.
முக்கிய அம்சங்கள்
-
தேவை சார்ந்த பணவீக்க அழுத்தங்கள் குறைவாக உள்ளதால், மத்திய வங்கி தனது தளர்வான பணவியல் கொள்கையைத் தொடர்ந்துள்ளது.
-
2024 செப்டம்பர் மாதம் முதல் பதிவான விலைச்சரிவு (Deflation), 2025 மூன்றாம் காலாண்டில் (Q3) முடிவடையும் என எதிர்பார்க்கப்படுகிறது.
-
2026 நடுப்பகுதிக்குள், விலைவாசி உயர்வு (Inflation) 5% இலக்கை அடையும்.
-
மைய பணவீக்கம் (Core Inflation) படிப்படியாக உயரும்; பின்னர் தலைப்பு பணவீக்கத்துடன் இணைந்து நிலைத்திருக்கும்.
-
2025 ஆம் ஆண்டில் பொருளாதாரம் சுமார் 4.5% வளர்ச்சி பெறும் என கணிப்பு.
-
ஆனால், மாறிக்கொண்டிருக்கும் உலகளாவிய சூழ்நிலைகள், இந்த வளர்ச்சி இலக்குகளுக்கு சவாலாக இருக்கலாம் என எச்சரிக்கை விடுக்கப்பட்டுள்ளது.
இவ்வாறு, பொருளாதாரத்தின் எதிர்காலம் பற்றிய தெளிவான சித்திரத்தை மக்களுக்கு அளிப்பதே மத்திய வங்கியின் இந்த அறிக்கையின் முக்கிய நோக்கமாகும்.
உலகளாவிய பொருளாதார அலைச்சல்கள் – போர்கள், வர்த்தக மோதல்கள், எரிபொருள் விலை மாற்றங்கள் – ஆகியவை இலங்கையின் வளர்ச்சி வேகத்தை பாதிக்கக்கூடும் என்பது மறுக்க முடியாத உண்மை. மத்திய வங்கி 4.5% வளர்ச்சி பெறும் என நம்பிக்கை வெளியிட்டிருந்தாலும், நடைமுறையில் அதை அடைய அரசாங்கமும் தனியார் துறையும் ஒன்றிணைந்து செயல்பட வேண்டியது அவசியமாகிறது.
கருத்தை பதிவிட