சமூக ஊடகங்களின் தாக்கத்தால் இளைஞர்கள் அதிகரித்து வரும் வன்முறைக் குணங்களுக்கு ஆளாகி வருகிறார்கள் என காராப்பிட்டிய தேசிய வைத்தியசாலையின் சிறப்பு உளவியல் நிபுணர் வைத்தியகலாநிதி ரூமி ரூபென் எச்சரித்ததார்.
“இன்றைய சமூகத்தில் பிரச்சினைகளைத் தீர்க்க வன்முறை ஒரு கருவியாக மாறியுள்ளது. சமூக ஊடகங்கள் வெறுப்பும் தாக்குதல்களும் பரவுவதற்கு முக்கிய பங்கு வகிக்கின்றன. வரலாற்றில் கருத்தியல் நோக்கங்களுக்குப் பயன்படுத்தப்பட்ட சமூக ஊடகங்கள் இன்று இளைஞர்களை வன்முறைக்குள் இழுக்கும் சூழலை உருவாக்கியுள்ளன” என்றார்.
டாக்டர் ரூபென் மேலும் எச்சரித்ததாவது இத்தகைய தாக்கங்களுக்கு ஆளாகும் இளைஞர்கள் அடிநிலைக் குழுக்கள், போதைப்பொருள் பழக்கம், ஆயுதக் கும்பல்கள் ஆகியவற்றில் ஈடுபடக் கூடும். அத்துடன் அவர்கள் கோபக் கட்டுப்பாட்டு சிக்கல்களிலும் சிக்கிக்கொள்வர். ஒருமுறை இத்தகைய துணைக் கலாச்சாரத்தில் இணைந்துவிட்டால் அதிலிருந்து விடுபடுவது மிகவும் கடினம் எனவும் அவர் சுட்டிக்காட்டினார்.
“இந்த கலாச்சாரத்தை மாற்ற ஆபத்தான நிலையில் உள்ளவர்களை ஆரம்பத்திலேயே அடையாளம் கண்டு, தேவையான மீளுருவாக்கம் வழங்குவதே பிரச்சினையை குறைக்கும் சிறந்த வழியாகும்,” என்று அவர் வலியுறுத்தினார்
கருத்தை பதிவிட