ரூ.150 மில்லியன் பெறுமதியான கோகெய்னுடன் இருவர் கைது!

பணதுறை ஹிரானா பகுதியில் மூன்று கிலோ கிராம் கோகெய்னுடன் இருவர் கைது செய்யப்பட்டுள்ளதாக பொலிஸார் இன்று (30) தெரிவித்துள்ளனர். பறிமுதல் செய்யப்பட்ட போதைப்பொருளின் பெறுமதி சுமார் ரூ.150 மில்லியன் என மதிப்பிடப்பட்டுள்ளது.

குறித்த கைது, வலானை சட்டவிரோதச் செயல்கள் தடுப்பு பிரிவு முன்னெடுத்த சிறப்பு நடவடிக்கையின்போது இடம்பெற்றது.

தற்போது சந்தேகநபர்கள் பொலிஸ் காவலில் வைக்கப்பட்டுள்ள நிலையில், போதைப்பொருள் வலையமைப்பு மற்றும் மூலத்தை கண்டறியும் நடவடிக்கைகள் தொடர்ந்து முன்னெடுக்கப்படுகின்றன.