மட்டக்களப்பு மாவட்டத்தில் அமைந்த வரலாற்றுச் சிறப்புமிக்க தொல்பொருள் பெயர்ப்பலகை சட்டவிரோதமாக அகற்றப்பட்டு எடுத்துச் செல்லப்பட்ட சம்பவம் தொடர்பாக விசாரணைகள் தீவிரமடைந்துள்ளன. இந்தச் சம்பவத்தில் தொடர்புடைய மேலும் ஒருவர் பொலீசாரால் கைது செய்யப்பட்டுள்ளதாக தெரியவந்துள்ளது.
வாழைச்சேனை பொலிஸார் மேற்கொண்ட விசாரணையின் போது, சந்தேகநபர்கள் மறைத்து வைத்திருந்த தொல்பொருள் பெயர்ப்பலகை கண்டுபிடிக்கப்பட்டு பொலிஸார் கைப்பற்றியுள்ளனர்.
இதேவேளை, இச்சம்பவத்தில் தொடர்புடையதாகக் கூறப்படும் வாழைச்சேனை பிரதேச சபைத் தவிசாளர் சம்பவம் வெளிச்சத்துக்கு வந்த உடனே அப்பகுதியை விட்டு தப்பிச் சென்றுள்ளதாக விசாரணையாளர் தெரிவித்துள்ளனர்.
தொல்பொருள்களை சேதப்படுத்துவது மற்றும் சட்டவிரோதமாக எடுத்துச் செல்வது தொடர்பான குற்றங்கள் மிகக் கடுமையாகப் பார்க்கப்படுவதால், மேலும் பலர் இதில் தொடர்புடையிருக்கலாம் என பொலீசார் சந்தேகிக்கின்றனர். சம்பவத்துடன் தொடர்புடைய மொபைல் தொலைபேசி தகவல்கள், வாகனப் பதிவு விவரங்கள் மற்றும் சிசிடிவி காட்சி பதிவுகள் அனைத்தும் பரிசோதிக்கப்பட்டு வருகின்றன.
கைது செய்யப்பட்ட சந்தேகநபர் நீதிமன்றத்தில் முன்னிலைப்படுத்தப்பட உள்ளதுடன், தப்பிச் சென்ற தவிசாளரை கைது செய்ய விசாரணைகள் விரைவுபடுத்தப்பட்டுள்ளன.
கருத்தை பதிவிட