யாழ்ப்பாணம் இளவாலையில் அமைந்துள்ள இளவாலை ஹென்றிஅரசர் கல்லூரி மற்றும் அதன் சுற்றுப்புறப் பகுதிகள் சமீபத்திய புயலால் கடுமையாக சேதமடைந்துள்ளன.
பாடசாலையின் சில கட்டடங்கள், மைதானத்தில் அமைக்கப்பட்ட கொட்டகைகள் உள்ளிட்ட வசதிகள் பாதி அளவில் சேதமடைந்துள்ளன. மேலும், பள்ளியைச் சுற்றியிருந்த பல மரங்கள் பலத்த காற்றின் தாக்கத்தால் முறிந்து வீழ்ந்து, போக்குவரத்துக்கு பெரும் இடையூறாக உள்ளன.
இதேவேளை, இடைவிடாத கனமழை காரணமாக வெள்ளப்பெருக்கு ஏற்பட்டு, பல சாலைகள் நீரில் மூழ்கிக் காணப்படும் நிலை உருவாகியுள்ளது.
இந்த நிலைமை தொடர்பில் பிரதேச சபைக்கு தகவல் அளிக்கப்பட்டுள்ளதுடன், விழுந்த மரங்களை வெட்டித் துப்புரவு செய்யும் பணிகள் தற்போது முன்னெடுக்கப்படுகின்றன.
பிரதேசத்தில் காற்றும் மழையும் தொடர்ந்து பலத்த நிலையில் காணப்படுவதால், மக்கள் அவதானத்துடன் செயல்படுமாறு அதிகாரிகள் கேட்டுக்கொண்டுள்ளனர்.
கருத்தை பதிவிட