பிறந்த சில நாட்களே ஆன பச்சிளம் குழந்தை, தாய்ப்பால் குடித்தபோது ஏற்பட்ட மூச்சுத்திணறலால் பரிதாபமாக உயிரிழந்த சம்பவம் பெரும் சோகத்தை ஏற்படுத்தியுள்ளது.
பெற்றோரின் அரவணைப்பில் வளர்ந்து வந்த 41 நாட்களே ஆன அந்தப் பெண் குழந்தைக்கு, தாயார் வழக்கம்போல பால் புகட்டியுள்ளார். அப்போது எதிர்பாராத விதமாக பால் குழந்தையின் சுவாசக் குழாய்க்குள் சென்றதாகக் கூறப்படுகிறது. இதனால் குழந்தை மூச்சை விட முடியாமல் கடுமையாகத் தவித்துள்ளது.
குழந்தையின் உடலில் ஏற்பட்ட திடீர் மாற்றத்தைக் கண்டு அதிர்ச்சியடைந்த பெற்றோர், உடனடியாக மருத்துவமனைக்கு விரைந்தனர். இருப்பினும், சிகிச்சை பலனின்றி அந்தப் பிஞ்சு உயிர் பிரிந்தது.
இச்சம்பவம் குறித்து மருத்துவ நிபுணர்கள் கூறுகையில், பால் புகட்டும்போது அது உணவுக் குழாய்க்குள் செல்லாமல் சுவாசத் திசுக்களுக்குள் சென்றதால் (Aspiration) இந்த விபத்து நேர்ந்துள்ளதாகத் தெரிவித்தனர். மேலும் அந்தத் குழந்தைக்கு ஏற்கனவே சளி பாதிப்பு மற்றும் சிறுநீரகக் குறைபாடுகள் இருந்ததாகத் தெரிகிறது. இத்தகைய உடல்நலப் பிரச்சினைகள் இருக்கும்போது, குழந்தையின் எதிர்ப்புத் திறன் குறைவாக இருக்கும் என்பதால் இச்சம்பவம் இன்னும் விபரீதமாக மாறியுள்ளது.
இந்தத் துயரச் சம்பவம் குறித்து காவல்துறையினர் வழக்குப் பதிவு செய்து விசாரணை நடத்தி வருகின்றனர். இதற்கிடையில், பச்சிளம் குழந்தைகளுக்குப் பால் புகட்டும் முறைகள் குறித்து மருத்துவர்கள் முக்கிய அறிவுறுத்தல்களை வழங்கியுள்ளனர். பால் புகட்டும் போது குழந்தையின் தலை சற்று உயர்த்தி இருக்குமாறு பார்த்துக் கொள்ள வேண்டும். குழந்தைகளுக்கு நரம்பியல் அல்லது சுவாசக் கோளாறுகள் இருந்தால் பால் புகட்டும் போது கூடுதல் கவனத்துடன் இருக்க வேண்டும். குழந்தை பாலோ, நீரோ குடித்த பின் லேசாகத் தட்டினால் ஏப்பம் வருவதை உறுதி செய்ய வேண்டும் என தெரிவித்தார்.
இந்தச் சம்பவம் அப்பகுதி மக்களிடையே பெரும் சோகத்தை ஏற்படுத்தியுள்ளதோடு, மற்ற பெற்றோர்களுக்கும் ஒரு பாடமாகவும் எச்சரிக்கையாகவும் அமைந்துள்ளது.
கருத்தை பதிவிட