இலங்கை ஜனாதிபதி அநுர குமார திசாநாயக்க ஐக்கிய அரபு இராச்சியத்தின் ஜனாதிபதி மொஹமட் பின் சயிட் அல் நஹியாவின் அழைப்பின் பேரில், உலக அரசுகள் உச்சி மாநாட்டில் பங்கேற்பதற்காக இன்று (பிப்ரவரி 10, 2025) ஐக்கிய அரபு இராச்சியத்திற்கு பயணமாகிறார்.
இந்த விஜயத்தின் போது ஜனாதிபதி திசாநாயக்க, ஐக்கிய அரபு இராச்சியத்தின் துணைத் தலைவரும், பிரதமருமான ஷேக் முகமது பின் ரஷீத் அல் மக்தூமையும் சந்திக்க உள்ளார். மேலும், மாநாட்டில் பங்கேற்கும் பல நாடுகளின் அரச தலைவர்கள் மற்றும் அரசாங்கங்களுடன் இருதரப்பு சந்திப்புகள் நடத்தப்படவுள்ளன.
இலங்கைக்கு முதலீடுகளை ஈர்ப்பதற்காக, தகவல் தொழில்நுட்பம், செயற்கை நுண்ணறிவு, எரிசக்தி, சுற்றுலா, நிதி மற்றும் ஊடகத்துறைகளில் உலகளாவிய முன்னணி நிறுவனங்களின் தலைமை நிர்வாக அதிகாரிகளுடன் ஜனாதிபதி திசாநாயக்க கலந்துரையாடவுள்ளார்.
இது, ஜனாதிபதி திசாநாயக்க தனது பதவியேற்றதன் பின்னர் மேற்கொள்ளும் மூன்றாவது வெளிநாட்டு பயணமாகும். முந்தைய பயணங்களில், அவர் 2024 டிசம்பர் மாதத்தில் இந்தியாவுக்கும் , 2025 ஜனவரி மாதத்தில் சீனாவுக்கும் விஜயம் செய்தார். இந்த விஜயங்கள் இலங்கையின் சர்வதேச உறவுகளை வலுப்படுத்தும் நோக்குடன் மேற்கொள்ளப்பட்டன.
கருத்தை பதிவிட