2000களின் தொடக்கத்தில் வீடியோ அழைப்புகளுக்காக பரவலாக பயன்படுத்தப்பட்ட Skype சேவை விரைவில் முடிவடையலாம் என தகவல்கள் வெளியாகியுள்ளன. தற்போது அதன் பிரபலத்திற்குத் தளர்வு ஏற்பட்டாலும், மைக்ரோசாஃப்ட் தினசரி 36 மில்லியனிற்கும் அதிகமானோர் Skype பயன்படுத்துகிறார்கள் எனக் கூறுகிறது.
XDA வெளியிட்ட தகவலின்படி, Skype-யின் சமீபத்திய ப்ரீவ்யூ பதிப்பில் மறைக்கப்பட்ட ஒரு செய்தி கண்டுபிடிக்கப்பட்டுள்ளது. இதில், “மே மாதத்திற்குப் பிறகு, Skype சேவை வழங்கப்படாது. உங்கள் அழைப்புகள் மற்றும் உரையாடல்களை Teams-ல் தொடருங்கள்” என்று குறிப்பிட்டுள்ளதாக தெரிவிக்கப்பட்டுள்ளது. இதுடன், “உங்கள் நண்பர்களில் சிலர் ஏற்கனவே Teams-க்கு மாற்றியுள்ளனர்” என்ற செய்தியும் காணப்படுகிறது.
மைக்ரோசாஃப்ட் இதுவரை இதை அதிகாரப்பூர்வமாக அறிவிக்கவில்லை. ஆனால் கடந்த சில மாதங்களாக Skype-யை மேம்படுத்துவதில் ஆர்வம் இல்லையெனக் காட்டி வந்துள்ளது. கடந்த ஆண்டு டிசம்பரில், Skype நம்பர்களுக்கான கிரெடிட்கள் விற்பனை செய்யப்படாது என அறிவிக்கப்பட்டது, இது பயனர்களுக்கு உலகின் எந்த மூலையிலும் அழைக்க உதவிய ஒரு வசதி ஆகும்.
Skype-யின் வளர்ச்சி மற்றும் Microsoft-இன் பங்கேற்பு
2003-ஆம் ஆண்டு அறிமுகமான Skype, எல்லாத் தரப்பினரிடமும் மிகவும் பிரபலமான VoIP (Voice over Internet Protocol) சேவையாக உருவெடுத்தது. இதனை மைக்ரோசாஃப்ட் 2011-ஆம் ஆண்டு 8.5 பில்லியன் டாலருக்கு வாங்கியது. அதன் பின்னர், iMessage-யை எதிர்க்கும் வகையில் Skype-யை பல முறை புதுப்பித்து, Windows, Windows Phone, Xbox போன்ற தனது தயாரிப்புகளுடன் இணைக்க முயன்றது.
கடந்த சில ஆண்டுகளில், Skype-யை மீண்டும் உயிர்ப்பிக்க Skype Clips போன்ற புதிய அம்சங்கள் மற்றும் Copilot AI-யின் ஒருங்கிணைப்பு போன்ற முயற்சிகளை மைக்ரோசாஃப்ட் மேற்கொண்டது. ஆனால், கொரோனா காலத்திலும் Skype பெரிதாகப் பிரபலமடையத் தவறியது.
Teams-யை உருவாக்குவதற்குப் பயன்படுத்தப்பட்ட Skype
மைக்ரோசாஃப்ட், Skype-யை முழுமையாக புறக்கணிக்காமல், தனது புதிய தொழில் தொடர்பு சேவையான Microsoft Teams-யை உருவாக்க அதைப் பயன்படுத்தியுள்ளது. எனவே, Skype-யின் முடிவுக்கான அடிக்கல் ஏற்கனவே நாட்டப்பட்டுவிட்டது என தொழில்நுட்ப வட்டாரங்கள் கருத்து தெரிவிக்கின்றன.
அதாவது, “Skype-யை மறவுங்கள், Teams-க்கு மாறுங்கள்” என மைக்ரோசாஃப்ட் ஒளியில்லாமல் அறிவித்து வருவதாக சொல்லலாம்!
மூலம்:- Dailymirror
கருத்தை பதிவிட