கஹதுதுவை பகுதியில் உள்ள ஆதார வைத்தியசாலையில் 26 வயதுடைய ஒருபெண்ணை பாலியல் ரீதியாக துன்புறுத்திய குற்றச்சாட்டில் 40 வயது மருத்துவர் ஒருவரை கைது செய்துள்ளனர்.
பெண் அளித்த பொலீஸ் முறையீட்டின்படி, நவம்பர் 12ஆம் திகதி சிகிச்சை பெறுவதற்காக அவள் அந்த வைத்தியசாலையின் வெளிநோயாளர் பிரிவுக்கு (OPD) சென்றிருந்தாள். அப்போது, சிறுநீர் பரிசோதனை செய்து நவம்பர் 19ஆம் திகதி மீண்டும் வரும்படி மருத்துவர் கூறியிருந்தார்.
நவம்பர் 19ஆம் திகதி சிறுநீர் பரிசோதனை அறிக்கையுடன் அவள் மீண்டும் OPDக்கு சென்றபோது, மருத்துவர் பெண் உதவியாளர் இன்றி அவளை ஒரு அறைக்குள் அழைத்துச் சென்று பரிசோதனை செய்வதுபோல் நடித்து பாலியல் தவறிழைத்ததாக முறையீட்டில் கூறப்பட்டுள்ளது.
இச்சம்பவம் தொடர்பாக இரு தரப்பினரையும் விசாரணைக்காக அழைத்த பிறகு, இன்று பொலீசார் மருத்துவரை கைது செய்துள்ளனர்.
கருத்தை பதிவிட