முள்ளியவளை துயிலும் இல்லத்தில் இன்று மாலை தமிழ் மக்களுக்காக மரணித்த மறவர்களை நினைவு கூர்ந்து ஆயிரக்கணக்கான மக்கள் தங்கள் அஞ்சலிகளை செலுத்த வந்திருந்தனர். அடாத மழை பெய்த போதிலும் மழையின் மத்தியிலும் தங்கள் உடன் பிறப்புக்கள் உறவுகள் சொந்தங்கள் அனைவருக்கும் தீபம் ஏற்றி நமது அஞ்சலிகளை செலுத்தினார்கள்.
ஈழப் போரில் மக்களுக்காக தனது உயிரை ஈந்த மாவீரர்களையும், போரால் துயருற்ற பொதுமக்களையும் நினைவுகூர்ந்து ஒரு நிமிட மௌன அஞ்சலி இன்று செலுத்தப்பட்டது.
இதனைத் தொடர்ந்து, தனித் தாயகத்தை நோக்கி முன்னெடுக்கப்பட்ட விடுதலைப் போராட்டத்தில் தன்னுயிர் தியாகம் செய்த வீர மறவர்களை நினைவேந்தும் பிரதான சுடர் அதிகாரப்பூர்வமாக ஏற்றிவைக்கப்பட்டது.
நினைவேந்தல் நிகழ்வில், மாவீரர் தினத்தை முன்னிட்டு பலரும் மலர்வளையம் சமர்ப்பித்து மரியாதை செலுத்தியதுடன், போரில் உயிரிழந்த பொதுமக்களும் சிறப்பாக நினைவு கூரப்பட்டனர்.
அதேபோன்று வடக்கு கிழக்கு அனைத்து மாவட்டங்களிலும் இன்று மாலை சரியாக 6 மணி 05 நிமிடத்திற்கு தீபம் ஏற்றி தங்களுடைய அஞ்சலிகளை செலுத்தியிருந்தனர்.
கருத்தை பதிவிட