முல்லைத்தீவு மாவட்டம் தொடர்ந்தும் கொடூரமான காலநிலை தாக்குதலால் கடுமையான அவல நிலையை எதிர்கொண்டு வருகிறது. பலத்த காற்றும் இடைவிடாத கனமழையும் காரணமாக, மாவட்டம் முழுவதும் இருளில் மூழ்கியுள்ளது.
பாதைகள் முற்றாகத் தடம்
மாவட்டத்திலுள்ள பல முக்கிய சாலைகள் மட்டுமன்றி, கிராமப்புற இணைப்புப் பாதைகளும் வெள்ளநீரில் மூழ்கி போக்குவரத்து முழுமையாக முடங்கியுள்ளது. சில இடங்களில் மரங்கள் முறிந்து விழுந்ததால் சாலைகள் முற்றாக மறிக்கப்பட்டுள்ளன.
மின்சாரம் முழுமையாக துண்டிப்பு
மின்சாரம் முழுமையாக துண்டிக்கப்பட்டுள்ளது. மின்சாரசபை அவசரக் குழுக்கள் சில பகுதிகளில் சரிசெய்யும் பணிகளைத் தொடங்கியுள்ளன என தெரிவிக்கப்பட்டுள்ள போதிலும் தற்போதுவரை மின்சாரம் கிடைக்கவில்லை என தகவல்கள் தெரிவிக்கின்றன .
தொலைத்தொடர்பு சேவைகள் பாதிப்பு
புயல் தாக்கத்தால் தொலைத்தொடர்பு கோபுரங்கள் மற்றும் இணைப்புகள் சேதமடைந்ததால் மொபைல் மற்றும் இன்டர்நெட் சேவைகள் கடுமையாக பாதிக்கப்பட்டுள்ளன. மக்கள் வெளியுலகத் தொடர்பின்றி அவதிக்குள்ளாகிய நிலையில் உள்ளனர் வெளிநாடுகளில் வாழும் உறவினர்கள் அவர்களுடன் தொடர்புகொள்ள முயற்சித்த போதிலும் ஒரு தகவல்களும் பெறமுடியாத நிலையில் உள்ளனர்.
அவசர நடவடிக்கைகள் தொடர்கின்றன
மாவட்ட செயலாளர், இராணுவம், காவல்துறை, மீட்புக் குழுக்கள் இணைந்து விழுந்த மரங்களை அகற்றுதல், தடைபட்ட சாலைகளைத் திறத்தல் உள்ளிட்ட மீட்பு பணிகளை முன்னெடுத்து வருகின்றன.
காலநிலை இன்னும் மேம்படாத நிலையில் உள்ளதால், அதிகாரிகள் மக்கள் அத்தியாவசிய காரணமின்றி வெளியே செல்ல வேண்டாம் என எச்சரிக்கை விடுத்துள்ளனர்.
கருத்தை பதிவிட