கொத்மலைப் பகுதியில் சிக்கிக் கொண்டிருந்தவர்களை மீட்க ஒருங்கிணைந்த (ஹைபிரிட்) மீட்பு நடவடிக்கை மேற்கொள்ளப்பட்டது. இந்த நடவடிக்கையின் போது, சிறப்பு பயிற்சி பெற்ற ஒரு வழிகாட்டி ஹெலிகாப்டரில் இருந்து அணுக முடியாத இடமொன்றுக்கு கயிறு மூலம் இறக்கப்பட்டார். பின்னர் அவர் அங்கு இருந்த சுற்றுலா பயணிகள் மற்றும் பிறரை முன்கூட்டியே தீர்மானிக்கப்பட்ட ஹெலிபேடிற்கு பாதுகாப்பாக வழிநடத்தினார்.
பின்னர் ஹெலிகாப்டர் கொத்மலை ஹெலிபேடுடன் இணைந்து செயல்பட்டு, மொத்தம் 24 பேரை கொழும்புக்கு எடுத்துச் சென்றது. மீட்கப்பட்டவர்களில் 12 இந்தியர்கள், 10 பிற வெளிநாட்டு பிரஜைகள் மற்றும் 2 இலங்கையர்கள் அடங்குவர்.
மேலும், மூன்று தீவிர காயமடைந்தவர்கள் அவசரமாக வானூர்தி மூலம் கொழும்புக்குக் கொண்டு செல்லப்பட்டனர்.
இதேபோன்று, இதற்கு முன்பு எட்டு பேரைக் கொண்ட ஐந்து அணிகள் — மொத்தம் 40 இலங்கை இராணுவ வீரர்கள் — நிலச்சரிவு ஏற்பட்டுள்ள கொத்மலை ஹெலிபேடிற்கு தியத்தலாவை இராணுவ முகாமில் இருந்து ஹெலிகாப்டரில் கொண்டு செல்லப்பட்டிருந்தனர்.
கருத்தை பதிவிட